ເວບລວມຄວາມຮູ້ແລະຂໍ້ມູນຂ່າວສານຕ່າງໆທີ່ເປັນປະໂຫຍດ

Monday, February 5, 2018

Wednesday, December 27, 2017

Thursday, December 21, 2017

ທ່ອງທ່ຽວ

ເມືອງວັງວຽງ ຈະດຶງດູດນັກທ່ອງທ່ຽວ ໃຫ້ມາທ່ອງທ່ຽວ 1 ລ້ານຄົນ ໃນປີ 2018

ເມືອງວັງວຽງ ແຂວງວຽງຈັນ, ເປັນເມືອງທີ່ມີຄວາມສວຍງາມ, ມີສະຖານທີ່ທ່ອງທ່ຽວທາງທຳມະຊາດ ແລະ ສະຖານທີ່ພັກຜ່ອນຢ່າງຫລວງຫລາຍ, ເຊິ່ງໃນແຕ່ລະປີ ໄດ້ມີນັກທ່ອງທ່ຽວທັງພາຍໃນ ແລະ ຕ່າງປະເທດ ມາທ່ຽວ ມີເຖິງ 7-8 ແສນຄົນ, ສຳລັບປີທ່ອງທ່ຽວລາວ 2018 ຄາດວ່າ ຈະມີນັກທ່ອງທ່ຽວ ເດີນທາງມາທ່ຽວເມືອງວັງວຽງ ເຖິງ 1ລ້ານຄົນ.

ທ່ານ ສຸວຽງທອງ ວົງຈຳປາ ຮອງເຈົ້າເມືອງໆວັງວຽງ, ຜູ້ຮັບຜິດຊອບວຽກງານວັດທະນະທຳ ແລະ ສັງຄົມ ໄດ້ໃຫ້ສຳພາດຕໍ່ນັກຂ່າວ ສຳນັກຂ່າວສານປະເທດລາວ ເມື່ອອາທິດຜ່ານມານີ້ວ່າ: ປັດຈຸບັນ ເມືອງວັງວຽງ ໄດ້ກຽມຄວາມພ້ອມ ຫລາຍກິດຈະກຳ ເພື່ອຕ້ອນຮັບປີທ່ອງທ່ຽວລາວ 2018 ໃຫ້ມີຄວາມຄຶກຄື້ນ ແລະ ມ່ວນຊື່ນ, ສະເພາະເດືອນທັນວາ ຈະໄດ້ຈັດງານປະກວດ ນາງສາວໝາກກ້ຽງຫວານ, ງານປະກວດສິລະປະວັນນະຄະດີ ຂອງປະຊາຊົນບັນດາເຜົ່າ, ງານວາງ ສະແດງສິນຄ້າພື້ນເມືອງ ທີ່ເປັນເອກະລັກຂອງແຕ່ລະກຸ່ມບ້ານ ແລະ ກຽມຈັດງານມະຫາກຳຄອນເສີດ ໃນກາງເດືອນນີ້ ເພື່ອເຮັດໃຫ້ນັກທ່ອງທ່ຽວ ທີ່ເດີນທາງມາເມືອງວັງວຽງ ໄດ້ມີຄວາມ ມ່ວນຊື່ນ ແລະ ປະທັບໃຈ.

ນອກຈາກນີ້, ຍັງໄດ້ປຸກ ລະດົມປະຊາຊົນທົ່ວເມືອງວັງວຽງ ພ້ອມກັນຮັກສາຄວາມສະອາດ ແລະ ຮັກສາຄວາມສະຫງົບປອດໄພ, ປຸກລະດົມຫົວໜ່ວຍທຸລະກິດ ກໍຄື ຜູ້ປະກອບການທີ່ຕິດພັນກັບ ວຽກງານການທ່ອງທ່ຽວ ໃຫ້ປັບປຸງການ ບໍລິການຂອງຕົນເອງ ເປັນຕົ້ນ ແມ່ນໂຮງແຮມ, ເຮືອນພັກ, ປັບປຸງການບໍລິການ, ການຮັກສາຄວາມສະອາດພາຍໃນໂຮງແຮມ ແລະ ຄວາມປອດໄພ ໃຫ້ແກ່ນັກທ່ອງທ່ຽວທີ່ມາພັກ.

ທ່ານ ສຸວຽງທອງ ວົງຈຳປາ ຍັງໃຫ້ຮູ້ຕື່ມວ່າ: ພາກລັດ ແລະ ພາກທຸລະກິດ ໄດ້ໂຄສະນາທາງໂທລະພາບ, ໜັງສືພິມ, ວິທະຍຸ ແລະ ເວບໄຊຕ່າງໆ ເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງ ປະເທດຮັບຮູ້ ແລະ ເຂົ້າໃຈ ກ່ຽວກັບການ ທ່ອງທ່ຽວຢູ່ເມືອງວັງວຽງ ແລະ ຮູ້ຈັກສະຖານທີ່ທ່ອງທ່ຽວຕ່າງໆ ໃຫ້ຫລາຍຂຶ້ນ. ພ້ອມດຽວກັນນີ້, ຍັງໄດ້ມີການປັບປຸງພື້ນຖານໂຄງລ່າງ ເປັນຕົ້ນ ສ້າງຂົວຂ້າມນ້ຳຊ່ອງ, ສ້ອມແປງເສັ້ນທາງ ແລະ ສ້າງເສັ້ນທາງໄປຫາ ແຫລ່ງທ່ອງທ່ຽວ ທັງນີ້ກໍເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວ ທີ່ຈະເດີນທາງໄປທ່ອງທ່ຽວ ແລະ ປັບປຸງສະຖານທີ່ເກັບມ້ຽນຂີ້ເຫຍື້ອ ທັງນີ້ເພື່ອຮັກສາຄວາມສະອາດ ໃຫ້ແກ່ເມືອງວັງວຽງຕື່ມອີກ.

ປັດຈຸບັນ ເມືອງວັງວຽງ ມີສະຖານທີ່ພັກ ຈຳນວນ 150 ກວ່າແຫ່ງ, ມີຮ້ານອາຫານ-ກິນດື່ມ 130 ແຫ່ງ ແລະ ມີສະຖານທີ່ທ່ອງທ່ຽວຕ່າງໆ ຫລາຍກວ່າ 140 ແຫ່ງ.

ຂໍ້ມູນຈາກ: ສຳນັກຂ່າວສານປະເທດລາວ

Wednesday, December 20, 2017

ທຸລະກິດ

ທຸລະກິດໜ້າສົນໃຈ ໃນຍຸກ 2020

ພົບກັບ 5 Trends ຂອງຍຸກ 2020 ທີ່ຊີ້ວ່າ ທຸລະກິດໃດເປັນທຸລະກິດທຸລະກິດໜ້າສົນໃຈ ແລະ 5 ຮູບແບບ ທຸລະກິດທີ່ໜ້າສົນໃຈ ເຊີ່ງເໝາະສົມກັບ ຍຸກສະໄໝ ສະພາບເສດຖະກິດ ແລະ ສັງຄົມ ໄດ້ທີ່ນີ້.

5 Trends ຂອງຍຸກ 2020 ທີ່ຈະນຳໄປສູ່ ທຸລະກິດທີ່ໜ້າສົນໃຈ

ຫຼັງຈາກຄົນທີ່ເລີ່ມເຂົ້າມາ ຢູ່ໃນເມືອງຫຼາຍຂື້ນ ໃນຊ່ວງ 30 – 40 ປີທີ່ຜ່ານມາ ເຮັດໃຫ້ສີ່ງທີສອດຄ່ອງກັບທຸລະກິດ ຊີວິດ ແລະLifestyle ຂອງຄົນເມືອງ ໄດ້ເຂົ້າມາມີບົດບາດ ແລະ ເປັນກຸ່ມທຸລະກິດ ທີ່ມີການຈະເລີນເຕີບໂຕ ໄວຢ່າງໜ້າຕົກໃຈ.

ເຊັ່ນ ທຸລະກິດປະເພດ Modern Trade ແລະ Discount Store ຮ້ານສະດວກຊື້ ຮ້ານອາຫານ Fast food, ຮ້ານຊັບພະສີນຄ້າ ແລະ ໂຮງໜັງ ເປັນຕົ້້ນ ແລະ ຍັງສົ່ງຜົນໃຫ້ທຸລະກິດຫຼາຍໆ ປະເພດ ຕ້ອງປັບຕົວໃຫ້ເໝາະສົມ ແລະ ເຂົ້າກັບຍຸກສະໃໝ ເພື່ອຄວາມຢູ່ລອດຂອງຕົວທຸລະກິດ ນັ້ນຄື ຕົວທຸລະກິດທະນາຄານ ເຊີ່ງຕ້ອງມີການເປີດຮ້ານຊັບພະສິນຄ້າ ແລະ ເປີດການໃນມື້ພັກ.

ອີກທຸລະກິດໜື່ງໃນການປັບຕົວ ຢ່າງຊັດເຈນ ຄື ທຸລະກິດພັດທະນາອະສັງຫາລິມມະຊັບ ໂດຍການແຂ່ງຂັນກັນສ້າງ Condominium ເພື່ອຕອບໂຈດຄົນລຸ້ນໃໝ່ ທີ່ຢູ່ໃນເມືອງ ເພາະຄົນທີ່ຢູ່ໃນເມືອງນັ້ນ ໃຊ້ຊີວິດຄວາມແຮງຮີບ ເວາ ເຮັດຄວາມສະອາດບ້ານກໍ່ໜ້ອຍ ການຖ້າຢູ່ ຫ້ອງແຖວ ມີພື້ນທີ່ໃຊ້ສອຍໜ້ອຍ ແລະເດີນທາງສະດວກ ຈື່ງເໝາະກັບຄົນເມືອງ.

ແຕ່ທຸລະກິດໜ້າສົນໃຈ ທີ່ຕອບໂຈດກັບສີ່ງທີ່ຢູ່ໃນປະຈຸບັນ ມັກຈະເປັນທຸລະກິດ ທີ່ມີການແຂ່ງຂັນສູງ ຢູ່ແລ້ວ ເພາະນັກທຸລະກິດສ່ວນໃຫຍ່ ກໍ່ເບີ່ງອອກແລ້ວວ່າ ( ແມ່ນຍັງຈະມາ ແມ່ນຍັງຈະໄປ ) ສິ່ງທີນ້າສົນໃຈກ່ວາ ຈື່ງເກີດໃນຍຸກ 2020 ຫຼາຍກ່ວາ ເຮົາຈະມາເບີ່ງກັນ ແນວໂນມທີ່ຈະເກີດຂື້ນໃນ ຍຸກ 2020 ມີຍັງແດ່.

ອ່ານຕໍ່ຢູ່ໜ້າ ທຸລະກິດ

ເສດຖະກິດ

ໝົດປີ 2017 ລາວຈະຜະລິດໄຟຟ້າກວ່າ 29 ພັນລ້ານ ກິໂລວັດໂມງ

ໃນບົດລາຍງານ ແຜນພັດທະນາເສດຖະກິດ-ສັງຄົມ ປີ 2017 ຂອງລັດຖະບານລະບຸວ່າ: ການຜະລິດກະແສໄຟຟ້າໃນ 6 ເດືອນຕົ້ນປີ2017 ສາມາດປະຕິບັດໄດ້ 13.559 ລ້ານກິໂລວັດໂມງ, ຄາດຄະເນໝົດປີ ຈະຜະລິດໄດ້ 29.052 ລ້ານກິໂລວັດໂມງ, ເທົ່າກັບ 96,84% ຂອງແຜນການປີ.ທັງນີ້ຍ້ອນວ່າ ໂຄງການເຊກະໝານ 3 ບໍ່ໄດ້ດຳເນີນການຜະລິດ ຈຶ່ງເຮັດໃຫ້ບໍ່ສາມາດບັນລຸຕາມແຜນການ 30.000 ລ້ານກິໂລວັດໂມງ, ຢ່າງໃດກໍຕາມທ້າຍປີ 2017 ຈະມີ 6 ໂຄງການ, ລວມ ກຳລັງຕິດຕັ້ງ ເກືອບ 400 ເມກາວັດ ເຊັນ: ໂຄງການນ້ຳແຈ, ນ້ຳກົງ, ເຊກະໝານ-ຊານໄຊ, ນ້ຳໃຜ່, ນ້ຳງາ ແລະ ເຊກະຕຳ-ເຊນ້ຳນ້ອຍ ຊຶ່ງຈະສຳເລັດການກໍ່ສ້າງ ແລະ ດຳເນີນການຜະລິດໄຟຟ້າ.

ສຳລັບການກະຈາຍກະແສໄຟຟ້າ 6 ເດືອນຕົ້ນປີນີ້ ປະຕິບັດໄດ້ 13.332 ລ້ານກິໂລວັດໂມງ, ມູນຄ່າ 810 ລ້ານໂດລາສະຫະລັດ. ໃນນັ້ນ,ຈຳໜ່າຍພາຍໃນປະເທດ 2.454 ລ້ານກິໂລວັດໂມງ, ມູນຄ່າ 214 ລ້ານໂດລາສະຫະລັດ ແລະ ສົ່ງອອກຕ່າງປະເທດ 10.877 ລ້ານກິໂລວັດໂມງ, ມູນຄ່າ596 ລ້ານໂດລາສະຫະລັດ; ຄາດຄະເນໝົດປີ ຈະສົ່ງອອກ 23.336 ລ້ານກິໂລວັດໂມງ ແລະ ການນຳເຂົ້າໄຟຟ້າ ຈະມີປະມານ 364 ລ້ານກິໂລວັດໂມງ.ຮອດເດືອນ 6 ປີ 2017 ສາມາດສະຫລຸບຄວາມຄືບໜ້າໃນການກໍ່ສ້າງເຂື່ອນໄຟຟ້າແຫ່ງຕ່າງໆ ເຊັ່ນ: ເຂື່ອນນ້ຳຂອງ ແຂວງໄຊຍະບູລີ, ມີກຳລັງຕິດຕັ້ງ1.285 ເມກາວັດ ສຳເລັດແລ້ວ 85%; ເຂື່ອນເຊກະໝານ I ແລະ ຊານໄຊ, ກຳລັງຕິດຕັ້ງ 32 ເມກາວັດ ສຳເລັດ 95%; ເຂື່ອນນ້ຳງຽບ I ກຳລັງຕິດຕັ້ງ 272 ເມກາວັດ, ສຳເລັດ 68,410%; ເຂື່ອນນ້ຳຈຽນ, ກຳລັງຕິດຕັ້ງ 104 ເມກາວັດ, ສຳເລັດ 95%; ເຂື່ອນນ້ຳງື່ມ 3 ກຳລັງຕິດຕັ້ງ 460 ເມກາວັດ, ສຳເລັດ38,93%; ເຂື່ອນເຊປ່ຽນ-ເຊນ້ຳນ້ອຍ, ກຳລັງຕິດຕັ້ງ 410 ເມກາວັດ, ສຳເລັດ 76,51%; ເຂື່ອນນ້ຳລີກ I, ກຳລັງຕິດຕັ້ງ 64 ເມກາວັດ ສຳເລັດ 56%; ນ້ຳທາI, ກຳລັງຕິດຕັ້ງ 168 ເມກາວັດ, ສຳເລັດ 85,23% ແລະ ເຂື່ອນດອນສະໂຮງ, ກຳລັງຕິດຕັ້ງ 260 ເມກາວັດ, ສຳເລັດ 20%.

ມາຮອດປັດຈຸບັນ, ໂຄງການໄຟຟ້າທີ່ກໍ່ສ້າງສຳເລັດ ແລະ ດຳເນີນການຜະລິດກະແສໄຟຟ້າ ທີ່ມີກຳລັງຕິດຕັ້ງ I ເມກາວັດຂຶ້ນໄປ ມີທັງໝົດ 46 ແຫ່ງ, ລວມກຳລັງຕິດຕັ້ງ 6.757 ເມກາວັດ, ສາມາດຜະລິດພະລັງງານໄຟຟ້າໄດ້ 35.608 ລ້ານກິໂລວັດໂມງ/ປີ. ໃນນີ້, ມີເຂື່ອນທີ່ໃຊ້ພະລັງນ້ຳ 43 ແຫ່ງ,ພະລັງຄວາມຮ້ອນຈາກຖ່ານຫີນ 1 ແຫ່ງ ແລະ ພະລັງຈາກກາກອ້ອຍ 2 ແຫ່ງ. ພ້ອມນີ້, ຍັງມີເຂື່ອນທີ່ມີກຳ ລັງຕິດຕັ້ງຕ່ຳກວ່າ I ເມກາວັດ ອີກຈຳນວນໜຶ່ງ ເປັນຕົ້ນເຂື່ອນປາກມອງ, ຫ້ວຍແສ້, ນ້ຳສາດ, ນ້ຳສານ, ນ້ຳແອດ, ນ້ຳໂສ້ ແລະ ເຂື່ອນອື່ນໆ.

ຂໍ້ມູນຈາກ: ສຳນັກຂ່າວສານປະເທດລາວ

ສັງຄົມ

ທ່ານ ໄຊສົມພອນ ພົມວິຫານໂອ້ລົມພະນັກງານ ຫຼັກແຫຼ່ງເມືອງພູກູດ

ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງ ແນວລາວສ້າງຊາດ ພ້ອມດ້ວຍຄະນະໄດ້ຢ້ຽມຢາມແຂວງຊຽງຂວາງ ເມື່ອວັນທີ 13ທັນວາຜ່ານມາ ນີ້ ນຳພາຄະນະອອກຕ້ອນຮັບໂດຍທ່ານ ນາງ ອຸເທນ ມາສີຊົນໄຊ ຮອງເລຂາພັກແຂວງ ຜູ້ຊີ້ນຳວຽກ ງານການເມືອງແນວຄິດ ຢູ່ທີ່ເດີ່ນບິນທົ່ງໄຫຫີນ ຈາກນັ້ນ ກໍໄດ້ໄປຢ້ຽມຢາມໂອ້ລົມພະນັກງານຫຼັກ ແຫຼ່ງ ແລະ ພະນັກງານບຳນານຜູ້ຊົງຄຸນວຸດທິເມືອງພູກູດ ຊຶ່ງທ່ານປະທານສູນ ກາງແນວລາວສ້າງ ຊາດ ກໍໄດ້ສະແດງຄວາມຍ້ອງຍໍຊົມເຊີຍ ເມືອງພູກູດ ຊຶ່ງເປັນເມືອງວິລະຊົນ ໄດ້ພັດທະນາເສດຖະກິດ-ສັງ ຄົມດີຂຶ້ນ

ພ້ອມນີ້ທ່ານ ກໍໄດ້ ເນັ້ນໜັກໃຫ້ເອົາໃຈໃສ່ວຽກ ງານການເມືອງແນວຄິດຂອງ ຖັນແຖວພະນັກງານ ສະມາຊິກ ພັກ, ສືບຕໍ່ຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ແຫ່ງຊາດ 5 ປີ ກໍຄື ການປະຕິ ບັດແຜນປີ 2017 ຂອງແຂວງ ຕິດພັນກັບທ່າແຮງບົ່ມຊ້ອມ ຂອງແຂວງ, ສຳຄັນເອົາໃຈໃສ່ ວຽກງານປ້ອງກັນຊາດ-ປ້ອງ ກັນຄວາມສະຫງົບໃນການແກ້ ໄຂບັນຫາຫຍໍ້ທໍ້ຂອງສັງຄົມ, ເພີ່ມທະວີບົດບາດ ແລະ ເຊີດ ຊູຄວາມອາດສາມາດຂອງການ ຈັດຕັ້ງແນວໂຮມໃນການເຕົ້າ ໂຮມຄວາມສາມັກຄີ ແລະ ເສີມ ຂະຫຍາຍສິດເປັນເຈົ້າຂອງປະ ຊາຊົນບັນດາເຜົ່າ ແລະ ບັນດາ ຊັ້ນຄົນໃນເງື່ອນໄຂໃໝ່ແຫ່ງ ການເຊື່ອມໂຍງສາກົນ ແລະ ພາກພື້ນ, ເພີ່ມທະວີຄວາມ ເຊື່ອໝັ້ນຂອງມະຫາຊົນຕໍ່ ການນຳພາຂອງພັກ ແລະ ອົງ ການປົກຄອງທ້ອງຖິ່ນໃນທຸກ ຂະບວນວຽກງານ, ແນວລາວ ສ້າງຊາດ ຂັ້ນທ້ອງຖິ່ນສົມທົບ ກັບຄະນະພັກເອົາໃຈໃສ່ຊຸກຍູ້ ສົ່ງເສີມ ແລະ ສ້າງເງື່ອນໄຂ ຄວາມສະດວກໃຫ້ວຽກງານ ການພົວພັນຮ່ວມມືກັບປະເທດ ເພື່ອນມິດທີ່ມີຊາຍແດນຕິດ ຈອດກັນ, ຄະນະພັກແນວລາວ ສ້າງຊາດແຂວງ ອົງການຈັດຕັ້ງ ມະຫາຊົນພະນັກງານຫຼັກແຫຼ່ງ ຜູ້ຊົງຄຸນວຸດທິພະນັກງານປະຕິ ວັດອາວຸໂສບຳນານ ທະຫານ ຕຳຫຼວດ ຈົ່ງເຊີດຊູຄວາມຮັບ ຜິດຊອບໃນໜ້າທີ່ການເມືອງ ຂອງຕົນ ຕັດສິນໃຈຜ່ານຜ່າ ຄວາມທຸກຍາກເຕົ້າໂຮມຄວາມ ສາມັກຄີເປັນປຶກ ແຜ່ນ ແລະ ຕັ້ງໜ້າປຸກລະດົມກຳລັງແຮງ ທົ່ວປວງຊົນລາວບັນດາເຜົ່າ ປະກອບສ່ວນຢ່າງຕັ້ງໜ້າຈັດ ຕັ້ງປະຕິບັດແຜນພັດທະນາ ເສດຖະກິດ-ສັງຄົມຂອງແຂວງ ໃຫ້ບັນລຸຜົນສຳເລັດຕາມຄາດ ໝາຍ ໃຫ້ມີການປ່ຽນແປງໃໝ່ ທີ່ຕັ້ງໜ້າ ແລະ ນັບມື້ດີຂຶ້ນເທື່ອ ລະກ້າວ ໂອກາດນີ້ທ່ານກໍໄດ້ ມອບຜ້າຫົ່ມໂຕໂຕໃຫ້ພະນັກ ງານບຳນານເມືອງພູກູດຈຳ ນວນ 100 ຜືນ ເພື່ອຮັບມືກັບ ໄພໜາວໃນປັດຈຸບັນນີ້.

ຂໍ້ມູນຈາກ: ຫນັງສືພິມປະຊາຊົນ

ຂ່າວຕ່າງປະເທດ

ເຮືອບັນທຸກຍົນອັງກິດ ພົບຮອຍຮົ່ວ

ເຮືອບັນທຸກຍົນລຳໃຫມ່ລ່າສຸດຂອງກອງທັບເຮືອອັງກິດ ແລະ ຍັງແພງທີ່ສຸດເກືອບ 3ພັນລ້ານປອນ ປະມານ 4ພັນລ້ານໂດລາສະຫະລັດ ພົບບັນຫາມີຮອຍຮົ່ວເພົາຈຳຕ້ອງສົ່ງເຂົ້າຊ້ອມແປງ

ສຳນັກຂ່າວຕ່າງປະເທດລາຍງານຈາກກຸງລອນດອນ ປະເທດອັງກິດເມື່ອວັນທີ 19ທັນວາວ່າ: ເຮືອບັນທຸກຍົນ ເອຊເອັມເອສ ຄວີນເອລິຊາເບດ ເຮືອຮົບລຳໃຫມ່ລ່າສຸດຂອງກອງທັບເຮືອອັງກິດ ງົບປະມານກໍ່ສ້າງເກືອບ 4ພັນລ້ານໂດລາ ສະຫະລັດ ທັງທີ່ຫາກໍ່ຈະເຂົ້າປະການໃນກອງທັບເຮືອອັງກິດເມື່ອຊ່ວງຕົ້ນເດືອນທີ່ຜ່ານມາ ມີກຳນົດເຂົ້າແປງທີ່ທ່າເຮືອເມືອງປອຣສະມັນ ເນື່ອງຈາກມີບັນຫາຮອຍຮົ່ວທີ່ບໍລິເວນກັນຮົ່ວເພົາ

ທ່ານກາວິນ ວິລລຽມສັນ ລັດຖະມົນຕີກະລາໂຫມອັງກິດກ່າວວ່າ: ໃນສ່ວນຂອງຄ່າໃຊ້ຈ່າຍໃນການຊ້ອມແປງນັ້ນຈະບໍ່ກະທົບກັບເງິນພາສີຂອງປະຊາຊົນ ເພາະຍັງຢູ່ໃນສັນຍາທີ່ບໍລິສັດຜູ້ສ້າງຈະຕ້ອງເປັນຜູ້ຮັບຜິດຊອບຄ່າໃຊ້ຈ່າຍ ໃນການຊ້ອມແປງ ແລະ ເປັນເຫດຜົນທີ່ຈະຕ້ອງມີການທົດລອງເດີນເຮືອເພື່ອໃຫ້ແນ່ໃຈວ່າທຸກຍ່າງໄດ້ສົມບູນແລ້ວ

ຖະແຫລງການຂອງກອງທັບເຮືອອັງກິດລະບຸວ່າ: ບັນຫາຮອຍຮົ່ວທີ່ເກີດຂື້ນບໍ່ກະທົບການເດີນເຮືອ ຫລື ການທົດລອງເດີນເຮືອໄລຍະໄກ ສົມເດັດພະລາຊິນີນາກອາລິຊາເບດທີ2 ແຫ່ງອັງກິດ ສະເດັດມາເປັນປະທານໃນພິທີເຂົ້າປະຈຳການ ເຮືອບັນທຸກຍົນລຳນີ້ ເຊິ່ງໄດ້ຮັບພະຣາດຊະທານຊື່ວ່າ ຄວີນ ເອລິຊາເບດ

ເຮືອບັນທຸກຍົນເອຊເອັມເອສ ຄວີນ ເອລິຊາເບດ ຄວາມຍາວ 280ແມັດ ຖືເປັນເຮືອຮົບທີ່ມີແສນຍານຸພາບກຽງໄກທີ່ສຸດຂອງກອງທັບເຮືອອັງກິດ ຢູ່ລະຫວ່າງການທົດລອງແລ່ນເຮືອ ມີກຳນົດເຂົ້າປະຕິບັດການໃນກອງທັບເຮືອໃນປີ 2563 ມີກຳລັງພົນ 1,000ຄົນ, ຍົນ 40ລຳ ລະວາງຂັບນໍ້າ 65,000ຕັນ

ຂໍ້ມູນຈາກ: ເດລິນີວ