ໄອທີອັບເດດ

ຈີນເປີດໂຕ “ອີ້ຫາງ184” ໂດຣນໂດຍສານໄຮ້ຄົນຂັບ ລຳທຳອິດຂອງໂລກ

ຊົມພາບທີ່ຖືກບັນທືກໄວ້ໃນວັນທີ 4ທັນວາ 2017 ຂອງສິ່ງປະດິດທີ່ໄດ້ຮັບການຍົກຍ້ອງວ່າເປັນຍົນໂດຍສານໄຮ້ຄົນຂັບລຳທຳອິດຂອງໂລກ “ອີ້ຫາງ184” ເຊິ່ງຖືກນຳມາຈັດສະແດງພາຍໃນງານການປະຊຸມອິນເຕີເນັດໂລກໃນເມືອງອູເຈິ້ນ ມົນທົນເຈີຈຽງ ທາງຕາເວັນອອກສຽງໃຕ້ຂອງປະເທດຈີນ ຍົນອັດຕະໂນມັດລຳນີ້ມີຄວາມາູງ 1.6ແມັດ ນໍ້າຫນັກ 200ກິໂລ ແລະ ສາມາດຂັບເຄື່ອນດ້ວຍເຄື່ອງຍົນ 8ໂຣເຕີ

ຂໍ້ມູນຈາກ: ເດລິນີວ

Tap ແຫວນສຸດລໍ້າ ພິມແທນຄີບອດໄດ້ ພຽງແຕ່ທ່ານກະດິກນິ້ວ

Tap ເປັນອຸບປະກອນທີ່ສາມາດສຸບໃສ່ນິ້ວສໍາລັບໃຊ້ພິມແທນຄີບອດທີ່ເຄີຍເປີດໂຕຜ່ານມາດົນແລ້ວ ລ້າສຸດກໍ່ໄດ້ເລີກອອກລຸ້ນສົມູນ ພ້ອມກັບວາງຈໍາໜ່າຍໂດຍ Tap ຈະເປັນແຫວນ 5 ວົງ ສໍາລັບສຸບໃສ່ນິ້ວມືທັງ 5 ນິ້ວ ແຕ່ລະວົງຈະເຊື່ອມຕໍ່ຕິດກັນ ຄົນທີ່ໃສ່ Tap ໄວ້ຢູ່ມືຈະສາມາດສັ່ງພິມໂຕອັກສອນກັບອຸບປະກອນຕ່າງໆ ໄດ້ແບບບໍ່ມີສາຍບໍ່ວ່າຈະເປັນສະມາດໂຟນ, ແທັບເລັດ, ຄອມພິວເຕີ ແລະອື່ນໆ ໂດຍໃຊ້ການເຄື່ອໜັງນິ້ວມືເພື່ອສັ່ງພິມ ສາມາດຕັ້ງຄ່າໃຫ້ເໝາະສົມກັບຄວາມຖະນັດໄດ້ໂດຍຜ່ານແອບພິເຄເຊິນTapgenius ນອກຈາກນີ້ກໍ່ຍັງມີແອບ tapAloud ສໍາລັບຄົນທີ່ມີປັນຫາໃນການເບິ່ງເຫັນ ເຊິ່ງໂຕແອບຈະໃຊ້ສຽງໂຕ້ຕອບກັບຄົນທີ່ໃຊ້ແທນການສະແດງຜົນເທິງໜ້າຈໍ

ແຫວນແຕລະວົງຂອງ Tap ຈະມີເຊັ່ນເຊີສໍາລັບກວດຈັບການເຄື່ອນໄຫວຂອງນິ້ວມື ແລະ ຫົວໂປ້ມືຈະມີການເຊັ່ນເຊີສໍາລັບການກວດຈັບການເຄື່ອນໄຫວສໍາລັບໃຊ້ຄວບຄຸມເຄີເຊີແທນເມົ້າໂດຍສະເພາະອີກດ້ວຍ ໂດຍພາຍໃນ Tap ຈະມີແບັດເຕີລີ້ທີ່ສາມາດໃຊ້ງານໄດ້ດົນເຖິງ 6 ຊົ່ວໂມງ ແລະສະແຕນບາຍໄດ້ດົນເປັນອາທິດ

Tap ຈະວາງຈໍາໜ່າຍໃນຊ້ວງປາຍເດືອນທັນວາ 2560 ລາຄາ 129.99 $ ຫຼືປະມານ 4,500 ບາດ ມີໃຫ້ເລືອກສອງສີຄື ສີຂາວ ແລະ ສີດໍາ ເຊິ່ງຈະມາພ້ອມກັບເຄສພົກພາສໍາລັບໃສ່ Tap ມັນສາມາດສາກແບັດເຕີລີ້ໄດ້ໃນໂຕ.

ຂໍຂອບໃຈຂໍ້ມູນຈາກ: kapook.com

ໂຕໂຍຕ້າເປີດໂຕຫຸ່ນຍົນ ຮຽນແບບທ່າທາງມະນຸດ

ບໍລິສັດຜູ້ຜະລິດລົດໃຫຍ່ຍັກໃຫຍ່ໂຕໂຍຕ້າຂອງຍີ່ປຸ່ນ ເປີດໂຕຫຸ່ນຍົນມະນຸດຍຸກທີ 3 T-HR3 ທີ່ສາມາດຮຽນແບບທ່າທາງເຄື່ອນໄຫວຂອງຜູ້ໃຊ້ໂດຍກາວວ່າ: ຜະລິດຕະພັນນີ້ສາມາດໃຊ້ງານໄດ້ຫລາກຫລາຍເຊັ່ນ: ເບິ່ງແຍງຜູ້ສູງອາຍຸ ຫລື ຕອບສະຫນອງໄພພິບັດທາງທຳມະຊາດ

ສຳນັກຂ່າວເອເອັບພີລາຍງານຈາກກຸງໂຕກຽວ ປະເທດຍີ່ປຸ່ນເມື່ອວັນທີ 29ພະຈິກວ່າ: ຫຸ່ນຍົນທີ-ເອຊອາ3 ສາມາດຄວບຄຸມໂດຍລະບົບພົກພາທີ່ຈະເຮັດໃຫ້ຜູ້ໃຊ້ປະຕິບັດການຫຸ່ນຍົນໄດ້ທັງຫມົດ ດ້ວຍການເຄື່ອນໄຫວແຂນຂາມັນເປັນນື່ງ ໃນຈຸດດຶງດູດສຳຄັນຂອງງານນິທັດສະການຫຸ່ນຍົນນານາຊາດ international robot exhibition 2017 ໃນກຸງໂຕກຽວເຊິ່ງເລີ່ມເປີດໃຊ້ງານໃນວັນພຸດ

ຫຸ່ນຍົນລຸ້ນໃຫມ່ຂອງໂຕໂຍຕ້າເປັນລຸ້ນໃຫມ່ລ່າສຸດ ໃນຫຸ່ນຍົນມະນຸດຫລາຍສິບລຸ້ນທີ່ຖືດພັດທະນາຂື້ນມາເມື່ອບໍ່ດົນນີ້ ຈາກເທັກໂນໂລຍີສະໃຫມໃຫມ່ທີ່ກ້າວຫນ້າໄປຍ່າງໄວວາ ໂດຍສະເພາະປັນຍາປະດິດ ທ່ານອາກິຟຸມິ ທາມະໂອະກິ ຜູ້ຈັດການຜະແນກຫຸ່ນຍົນໂຕໂຍຕ້າເຜີຍວ່າ: ບໍລິສັດກຳລັງພິຈາລະນາໃຊ້ຫຸ່ນຍົນລຸ້ນນີ້ສຳລັບເບິ່ງແຍງຜູ້ສູງອາຍຸ ແລະ ສະຫນັບສະຫນູນຊີວິດປະຈຳວັນເປັນຫລັກ ແຕາໂດຍທາງເທັກນິກມັນຍັງສາມາດໃຊ້ໄດ້ໃນສະຖານທີ່ເຮັດວຽ. ພື້ນທີ່ປະສົບໄພພິບັດ ແລ ບ່ອນວ່າງພາຍນອກ

ບັນດາຜູ້ຜະລິດຫຸ່ນຍົນເບິ່ງເຫັນໂອກາດສົດໃສຂອງການໃຊ້ໃນຍີ່ປຸ່ນ ເຊິ່ງຈຳນວນປະຊາກອນຜູ້ສູງໄວເຕີບໂຕຍ່າງໄວວາ ສົ່ງຜົນໃຫ້ເກີດພາວະຂາດແຄນແຮງງານໃນປະເທດທີ່ຄວບຄຸມການອົບພະຍົບຂອງຊາວຕ່າງຊາດຍ່າງເຂັ້ມງວດ

ທີ-ເອຊອາ3 ມີຂໍ້ຕໍ່ 32ຈຸດ ສາມາດເຄື່ອນໄຫວຍ່າງນຸ້ມນວນເຫມືອນຄົນ ແລະ ຍັງສາມາດສ້າງສົມດຸນດ້ວຍຕົວຂອງມັນເອງເມື່ອຍືນຂາດຽວ ລະບົບເຊນເຊີໃນໂຕຫຸ່ນຍົນຈະກວດຈັບວ່າມັນຄວນອອກແຮງຫລາຍຫນ້ອຍສຳໃດກັບມະນຸດ ຫລືສິ່ງຂອງ ບໍລິສັດໂຕໂຍຕ້າຍັງບໍ່ມີແຜນທີ່ຈະຜະລິດ ທີ-ເອຊອາ3 ອອກຈຳຫນ່າຍ ແລະ ບໍ່ເປີດເຜີຍຄ່າໃຊ້ຈ່າຍໃນການພັດທະນາເຊັ່ນກັນ

ຂໍ້ມູນຈາກ: ເດລິນີວ