ຂ່າວຕ່າງປະເທດ

ເຮືອບັນທຸກຍົນອັງກິດ ພົບຮອຍຮົ່ວ

ເຮືອບັນທຸກຍົນລຳໃຫມ່ລ່າສຸດຂອງກອງທັບເຮືອອັງກິດ ແລະ ຍັງແພງທີ່ສຸດເກືອບ 3ພັນລ້ານປອນ ປະມານ 4ພັນລ້ານໂດລາສະຫະລັດ ພົບບັນຫາມີຮອຍຮົ່ວເພົາຈຳຕ້ອງສົ່ງເຂົ້າຊ້ອມແປງ

ສຳນັກຂ່າວຕ່າງປະເທດລາຍງານຈາກກຸງລອນດອນ ປະເທດອັງກິດເມື່ອວັນທີ 19ທັນວາວ່າ: ເຮືອບັນທຸກຍົນ ເອຊເອັມເອສ ຄວີນເອລິຊາເບດ ເຮືອຮົບລຳໃຫມ່ລ່າສຸດຂອງກອງທັບເຮືອອັງກິດ ງົບປະມານກໍ່ສ້າງເກືອບ 4ພັນລ້ານໂດລາ ສະຫະລັດ ທັງທີ່ຫາກໍ່ຈະເຂົ້າປະການໃນກອງທັບເຮືອອັງກິດເມື່ອຊ່ວງຕົ້ນເດືອນທີ່ຜ່ານມາ ມີກຳນົດເຂົ້າແປງທີ່ທ່າເຮືອເມືອງປອຣສະມັນ ເນື່ອງຈາກມີບັນຫາຮອຍຮົ່ວທີ່ບໍລິເວນກັນຮົ່ວເພົາ

ທ່ານກາວິນ ວິລລຽມສັນ ລັດຖະມົນຕີກະລາໂຫມອັງກິດກ່າວວ່າ: ໃນສ່ວນຂອງຄ່າໃຊ້ຈ່າຍໃນການຊ້ອມແປງນັ້ນຈະບໍ່ກະທົບກັບເງິນພາສີຂອງປະຊາຊົນ ເພາະຍັງຢູ່ໃນສັນຍາທີ່ບໍລິສັດຜູ້ສ້າງຈະຕ້ອງເປັນຜູ້ຮັບຜິດຊອບຄ່າໃຊ້ຈ່າຍ ໃນການຊ້ອມແປງ ແລະ ເປັນເຫດຜົນທີ່ຈະຕ້ອງມີການທົດລອງເດີນເຮືອເພື່ອໃຫ້ແນ່ໃຈວ່າທຸກຍ່າງໄດ້ສົມບູນແລ້ວ

ຖະແຫລງການຂອງກອງທັບເຮືອອັງກິດລະບຸວ່າ: ບັນຫາຮອຍຮົ່ວທີ່ເກີດຂື້ນບໍ່ກະທົບການເດີນເຮືອ ຫລື ການທົດລອງເດີນເຮືອໄລຍະໄກ ສົມເດັດພະລາຊິນີນາກອາລິຊາເບດທີ2 ແຫ່ງອັງກິດ ສະເດັດມາເປັນປະທານໃນພິທີເຂົ້າປະຈຳການ ເຮືອບັນທຸກຍົນລຳນີ້ ເຊິ່ງໄດ້ຮັບພະຣາດຊະທານຊື່ວ່າ ຄວີນ ເອລິຊາເບດ

ເຮືອບັນທຸກຍົນເອຊເອັມເອສ ຄວີນ ເອລິຊາເບດ ຄວາມຍາວ 280ແມັດ ຖືເປັນເຮືອຮົບທີ່ມີແສນຍານຸພາບກຽງໄກທີ່ສຸດຂອງກອງທັບເຮືອອັງກິດ ຢູ່ລະຫວ່າງການທົດລອງແລ່ນເຮືອ ມີກຳນົດເຂົ້າປະຕິບັດການໃນກອງທັບເຮືອໃນປີ 2563 ມີກຳລັງພົນ 1,000ຄົນ, ຍົນ 40ລຳ ລະວາງຂັບນໍ້າ 65,000ຕັນ

ຂໍ້ມູນຈາກ: ເດລິນີວ

ລັດເຊຍ ຈັບກຸມສາຍລັບນໍເວ

ອະດີດເຈົ້າຫນ້າທີ່ສຳນັກງານລາດຕະເວນພົມແດນຂອງນໍເວ ຖືກຈັບກຸມໃນກຸງມອສໂກ ຖານຕ້ອງສົງໄສເປັນສາຍລັບເນື່ອງຈາກມີເອກະສານຄວາມຫມັ້ນຄົງຂອງກອງທັບເຮືອລັດເຊຍໄວ້ໃນຄອບຄອງ

ສຳນັກຂ່າວຕ່າງປະເທດລາຍງານຈາກກຸງມອສໂກ ປະເທດລັດເຊບ ເມື່ອວັນທີ 20ທັນວາວ່າ: ສານແຂວງກຸງມອສໂກມີຄຳພິພາກສາເມື່ອວັນອັງຄານ ໃຫ້ຂະຫຍາຍເວລາການຄວບຄຸມໂຕທ້າວໂຟເດີ ເບຣີກ ອາຍຸ 62ປີ ສັນຊາດນໍເວ ຈົນກວ່າຈະເຖິງການໄຕ່ສວນຄັ້ງຕໍ່ໄປໃນວັນທີ 5ກຸມພາ 2561 ເນື່ອງຈາກສານພິຈາລະນາສຳນວນຂອງໄອຍະການພົບວ່າມີນໍ້າຫນັກພໍພຽງ

ທັງນີ້ເຈົ້າຫນ້າທີ່ສຳນັກງານຄວາມຫມັ້ນຄົງກາງແຫ່ງລັດ ຈັບກຸມເບຣີກໄດ້ຈາກສະຖານທີ່ແຫ່ງຫນື່ງໃນກຸງມອສໂກ ເມື່ອວັນທີ 6ທັນວາທີ່ຜ່ານມາ ພ້ອມກັບຂອງກາງເປັນສຳເນົາເອກະສານລັບຂອງກອງທັບເຮືອລັດເຊຍ ເບື້ອງຕົ້ນພະນັກ ງານສືບສວນຕັ້ງສົມມຸດຖານວ່າເບຣີກໄດ້ຮັບເອກະສານມາຈາກທ້າວອາເລັກຊີ ຊິດນຽດ ພົນລະເມືອງຊາວລັດເຊຍເຊິ່ງຖືກຈັບກຸມ ແລະ ດຳເນີນຄະດີໄປກ່ອນຫນ້ານີ້ໃນຂໍ້ຫາກະບົດຄວາມຜິດອາຍາຮ້າຍແຮງ ທີ່ມີບົດລົງໂທດຈຳຄຸກ ສູງສຸດດົນເຖິງ 20ປີ ໂດຍເອັບເອສບີເຊື່ອວ່າ ຊິດນຽດເປນັສາຍລັບສອງລັບຂອງສຳນັກຂ່າວກອງກາງ

               

ຂະນະທີ່ລາຍງານຂອງສື່ທ້ອງຖິ່ນຫລາຍແຫ່ງໃນລັດເຊຍລະບຸວ່າ:​ເບີຣກເຄີຍເຮັດວຽກເປັນເຈົ້າຫນ້າທີ່ສຳນັກງານຄວບຄຸມພົມແດນນໍເວ-ລັດເຊຍມາດົນເຖິງ 25ປີ ແລະ ເຄີຍເດີນທາງເຂົ້າມາທ່ອງທ່ຽວໃນລັດເຊຍ ດ້ານສະຖານເອອັກ ຄະລາຊະທູດນໍເວປະຈຳກຸງມອສໂກຍັງປະຕິເສດສະແດງຄວາມຄິດເຫັນຕໍ່ລານງານທີ່ອອກມາ

ຂໍ້ມູນຈາກ: ເດລິນີວ

ລັດເຊຍ ເລີ່ມຫາສຽງເລືອກຕັ້ງປະທານາທິບໍດີ

ການຫາສຽງເລືອກຕັ້ງຍ່າງເປັນທາງການເລີ່ມເປີດສາກຂື້ນເມື່ອວັນຈັນ ສຳລັບການເລືອກຕັ້ງປະທານາທິບໍດີລັດເຊຍ 2018 ໃນເດືອນມີນາປີຫນ້າ ເຊິ່ງຫລາຍຝ່າຍຟັນທຸງ ປະທານາທິບໍດີວະລາດີເມຍ ປູຕິນ ຈະຊະນະເລືອກຕັ້ງເປັນ ສະໃຫມທີ 4 ຄອງອຳນາດຕໍ່ໄປຈົນຮອດປີພ.ສ 2567

ສຳນັກຂ່າວເອເອັບພີລາຍງານຈາກຸມອສໂກ ປະເທດລັດເຊຍເມື່ອວັນທີ 18ທັນວາວ່າ: ຫນັງສືພິມຣອສຊີສກາຍາ ກາເຊຕາ ຂອງລັດຖະບານລັດເຊຍ ຕີພິມເຜີຍແພ່ມະຕິທີ່ຜ່ານການອະນຸມັດຈາກສະພາສະຫະພັນລັດ ຫລື ວຸດທິສະພາ ລັດເຊຍ ກຳນົດການເລືອກຕັ້ງປະທານາທິບໍດີລັດເຊຍຄັ້ງຕໍ່ໄປໃນວັນທີ 18ມີນາ 2561 ໂດຍຫ່ອນຫນ້ານີ້ສະມາຊິກລັດຖະສະພາລັດເຊຍໄດ້ລົງມະຕິປ່ຽນວັນທີການເລືອກຕັ້ງໃນເດືອນມີນາ ເພື່ອໃຫ້ກົງກັບວັນຄົບຮອບ 4ປີ ການລົງນາມ ໃນສົນທິສັນຍາທີ່ມີຜົນໃຫ້ລັດເຊຍພະນວກດິນແດນຄາບສະມຸດໄຄເມຍຂອງຍູເຄນຍ່າງເປັນທາງການ ສົນທິສັນຍາມີຂື້ນພຽງແຕ່ 2ມື້ຫລັງການລົງມະຕິໃນໄຄເມຍ ທີ່ກຸ່ມຊາດຕາເວັນຕົກລະບຸວ່າບໍ່ເຫັນນຳກົດຫມາຍ

ປູຕິນເຊິ່ງຊະນະເລືອກຕັ້ງປະທານາທິບໍດີຄັ້ງທຳອິດເມື່ອປີພ.ສ 2543 ໄດ້ຮັບການຄາດຫມາຍໃນວົງກວ້າງວ່າຈະຊະນະໃນຄັ້ງນີ້ອີກຍ່າງສະບາຍ ເຮັດໃຫ້ກາຍເປັນຜູ້ນຳລັດເຊຍທີ່ຄອງອຳນາດຍາວນານທີ່ສຸດ ນັບຕັ້ງແຕ່ອະດີີຜູ້ນຳຜະເດັດ ການໂຈເຊບ ສະຕາລິນ ຂະນະທີ່ນັກວິເຄາະເຕືອນວ່າເນື່ອງຈາກຜົນການເລືອກຕັ້ງແທບຈະຄາດຫມາຍໄດ້ລ່ວງຫນ້າຈຳນວນຜູ້ທີ່ອອກໄປໃຊ້ສິດລົງຄະແນນອາດຈະຕໍ່າ

ຫນື່ງໃນຜູ້ສະຫມັກລົງແຂ່ງຂັນທີ່ຫນ້າຍ້ານເກງສຳລັບປູຕິນຄື ເຊເນຍ ຊອບຊາດ ອະດີດສາວໄຮໂຊຊື່ດັງທີ່ຫັນເຫມົາເປັນພິທີກອນລາຍການທີວີ ແຕ່ປະຊາຊົນຈຳນວນຫລາຍສົງໄສວ່ານາງລົງສະຫມັກເລືອກຕັ້ງເພື່ອຕັດຄະແນນຝ່າຍຄ້ານ ແລະ ເພື່ອສ້າງສີສັນຕໍ່ການເລືອກຕັ້ງຄັ້ງນີ້ ສ່ວນທ່ານອາເລັກຊີ ນາວັນນີ ນັກກົດຫມາຍທີ່ຈົບການສຶກສາຈາກຕາເວັນຕົກອາຍຸ 41ປີ ແລະ ເປັນນັກສິຈານປູຕິນຕົວຍົງ ຖືກຫ້າມລົງສະຫມັກແຂ່ງຂັນເນື່ອງຈາກຖືກສານສັ່ງຖ້າລົງອາຍ າໂທດຈຳຄຸກໃນຄະດີອາຍາ

ຂໍ້ມູນຈາກ: ເດລິນີວ